மகளிர் மேம்பாட்டு நிறுவனத்தின் சார்பில், திருவள்ளூர் மாவட்ட கலெக்டர் அலுவலகத்தில், மகளிர் உதவிக் குழுவினருக்கு வங்கி கடன் மற்றும் உறுப்பினர் அட்டை வழங்கும் நிகழ்ச்சி நேற்று நடந்தது.

திருவள்ளூர் கலெக்டர் பிரதாப் தலைமை வகித்து பேசியதாவது:

திருவள்ளூர் மாவட்டத்தில், 19,439 மகளிர் சுயஉதவி குழுக்கள் உள்ளன. அவற்றில், 2,52,707 பேர் உறுப்பினராக உள்ளனர். நடப்பு 2025 - -26ம் ஆண்டில் சுயஉதவிக் குழுவுக்கு, இதுவரை 382 கோடி ரூபாய் கடன் வழங்கப்பட்டுள்ளது.

இதில், 15,757 பயனாளிகளுக்கு, 167 கோடி ரூபாய் வங்கி கடன், உறுப்பினர்களுக்கு அடையாள அட்டை வழங்கப்பட்டன.

இவ்வாறு அவர் பேசினார்.