திருத்தணி ஒன்றியம் மேதினாபுரம் - இருளர் காலனி செல்லும் சாலையோரம், திருத்தணி மின்வாரியம் சார்பில், 110 கி.வோ., திறன் கொண்ட மின்மாற்றி அமைத்து, விவசாய கிணறுகள் மற்றும் திருத்தணி அரசு கலைக் கல்லுாரிக்கு மின் இணைப்பு வழங்கப்பட்டுள்ளது.

இந்நிலையில், மின்மாற்றியை முறையாக பராமரிக்காததால், தற்போது இரு கம்பங்களின் கான்கிரீட் பூச்சு பெயந்துள்ளன. பலத்த காற்று வீசினால், கம்பம் உடைந்து விழும் அபாய நிலை உள்ளது.

சேதமடைந்த மின்மாற்றியின் கம்பத்தை அகற்றிவிட்டு, புதிதாக அமைக்க வேண்டும் என, அப்பகுதி மக்கள் பலமுறை மின்வாரிய அதிகாரிகளிடம் புகார் தெரிவித்தும், எவ்வித நடவடிக்கையும் எடுக்கவில்லை.

சாலையோரம் மின்மாற்றி உள்ளதால், எதிர்பாராத விதமாக உடைந்து விழுந்தால் உயிர்சேதம் ஏற்படும் அபாயம் உள்ளது.

எனவே, திருவள்ளூர் கலெக்டர் பிரதாப் விரைந்து நடவடிக்கை எடுத்து, மின்மாற்றியின் கம்பங்களை புதியதாக அமைக்க வேண்டும் என, சமூக ஆர்வலர்கள் கோரிக்கை விடுத்துள்ளனர்.