திருவள்ளூர் அடுத்த பழைய திருப்பாச்சூரில் அங்காளபரமேஸ்வரி அம்மன் கோவில் அமைந்துள்ளது. இக்கோவிலில், கடந்த 27ம் தேதி காலை கணபதி ஹோமம், லட்சுமி, தன பூஜையுடன் கும்பாபிஷேக நிகழ்ச்சிகள் துவங்கியது.

மறுநாள் காலை சாந்தி ஹோமமும், பாவனாபிஷேகமும் நடந்தது. நேற்று காலை 5:00 மணிக்கு நான்காம் கால யாகசாலை பூஜையும், காலை 7:00 மணிக்கு கோபுர கலசத்திற்கு புனிதநீர் ஊற்றப்பட்டு கும்பாபிஷேகமும் நடந்தது.

தொடர்ந்து, காலை 7:15 மணிக்கு மூலவர் அங்காள பரமேஸ்வரி அம்மனுக்கும், பரிவார தெய்வங்களுக்கும் கும்பாபிஷேகம் நடந்தது. மாலை 6:00 மணிக்கு சிறப்பு மலர் அலங்காரத்தில் அம்மன் வீதியுலா வந்தார். இதில், திரளான பக்தர்கள் பங்கேற்றனர்.