கடம்பத்துார் ஒன்றியம், கூவம் ஊராட்சியில் திரிபுரசுந்தரி அம்மன் சமேத திரிபுராந்தக சுவாமி கோவில் அமைந்துள்ளது. கடந்த 19ம் தேதி திரிபுரசுந்தரி அம்பாளுக்கு, ஆடிப்பூர பிரம்மோத்சவ திருவிழா கொடியேற்றத்துடன் துவங்கியது.

நேற்று காலை 9:00 மணிக்கு தேரோட்டம் நடந்தது. தேரில் எழுந்த ருளிய திரிபுரசுந்தரி அம்மன், முக்கிய வீதிகளில் வலம் வந்து பக்தர்களுக்கு அருள்பாலித்தார். அதன்பின், 12:45 மணிக்கு தேர் கோவிலை வந்தடைந்தது. வரும் 29ம் தேதி திருக்கல்யாண வைபவம் நடைபெறுமென, ஹிந்து சமய அறநிலைய துறையினர் தெரிவித்தனர்.