சமீப நாட்களாக மாநகர பேருந்துகள் காலை நேரங்களில் ஊத்துக்கோட்டைக்கு கால தாமதமாக வந்து செல்வதாக பயணிகள் குற்றம் சாட்டுகின்றனர். நேற்று காலை, 7:00 மணிக்கு வர வேண்டிய பேருந்துகள் அரை மணி நேரம் தாமதமாக வந்தது. ஒன்றின் பின் ஒன்றாக மூன்று பேருந்துகள் வந்ததாக ஆத்திரமடைந்த பயணியர் பேருந்துகளை முற்றுகையிட்டனர்.

பின் பயணியர் பாடியநல்லுார் மாநகர பேருந்து கிளை மேலாளரிடம் மொபைல் போனில் தொடர்பு கொண்டு புகார் தெரிவித்தனர். அவர் இனி பேருந்துகள் தாமதம் இன்றி செயல்பட நடவடிக்கை எடுக்கப்படும் என தெரிவித்தார். இதைத் தொடர்ந்து பயணியர் மாநகர பேருந்தில் ஏறி சென்றனர்.