இந்நிலையில், திருவள்ளூர் - திருத்தணி பகுதியில், தேசிய நெடுஞ்சாலையில், பகல், இரவு நேரத்தில் மாடுகள் படுத்து உறங்குவதும், சுற்றித்திரிவதும் அதிகளவில் உள்ளன. இதனால் வாகன ஓட்டிகள் விபத்துக்குள்ளாகி தவிக்கின்றனர்.

சாலையில் திரியும் மாடுகளால், தினமும், திருத்தணி - திருவள்ளூர் இடையே குறைந்தபட்சம், 5 இடங்களிலாவது இருசக்கர வாகன ஓட்டிகள் விபத்துக்குள்ளாகி பாதிக்கப்படுகின்றனர்.

சாலையில் திரியும் மாடுகளை, ஊரக வளர்ச்சி துறை அதிகாரிகள் தலைமையில் குழு அமைத்து, மாடுகளை பிடித்து கோசாலையில் விட வேண்டும். கால்நடை உரிமையாளர்களுக்கு அபராதம் விதிக்க வேண்டும் என, பலமுறை அறிவுறுத்தியும், சம்பந்தப்பட்ட துறை அதிகாரிகள், மாடுகளை பிடிக்காமல் அலட்சியம் காட்டுகின்றனர்.

எனவே, மாவட்ட நிர்வாகம் விரைந்து நடவடிக்கை எடுத்து, சாலையில் திரியும் மாடுகளை கட்டுப்படுத்த வேண்டும் என, வாகன ஓட்டிகள் எதிர்பார்க்கின்றனர்.