திருத்தணி:திருவாலங்காடு ஒன்றியம், தாழவேடு ஊராட்சியில், சமத்துவபுரம் பகுதியில், 100க்கும் மேற்பட்ட குடும்பத்தினர் வசித்து வருகின்றனர். இப்பகுதியினர் வசதிக்காக, சமத்துவபுரம் நுழைவாயில் அருகே பூங்கா மற்றும் குழந்தைகள் விளையாடுவதற்கு வசதியாக விளையாட்டு கருவிகள் ஊராட்சி நிர்வாகம் ஏற்படுத்தி பயன்பாட்டிற்கு விடப்பட்டது. மேலும், ஆண்டுதோறும், பூங்கா பராமரிப்பு செலவிற்காக கணிசமான தொகை ஒன்றிய நிர்வாகம் ஊராட்சிக்கு ஓதுக்கீடு செய்கிறது.