திருவாலங்காடு ஒன்றியம், ஆற்காடு குப்பம் ஊராட்சி அரசு உயர்நிலைப் பள்ளி, 15 ஆண்டுகளுக்கு முன், மேல்நிலை பள்ளியாக தரம் உயர்த்தப்பட்டது.

ஆனால், மேல்நிலைப் பள்ளி வகுப்புகளுக்கு ஏற்ப கூடுதல் கட்டடங்கள் இல்லை. இடவசதி பற்றாக்குறையால், கொசஸ்தலையாறு அருகே அரசுக்கு சொந்தமான 3 ஏக்கர் நிலத்தில், பள்ளிக்காக புது கட்டடம் கட்டப்பட்டது.

அதேநேரம், உயர்நிலைப்பள்ளி இருந்த இடத்தில் கட்டடம் பயன்பாடின்றி, 15 ஆண்டுகளுக்கு மேலாக பாழடைந்த நிலையில் உள்ளது.

இந்த பாழடைந்த கட்டடம் அருகே, அங்கன்வாடி மற்றும் அரசு தொடக்கப்பள்ளி உள்ளதால், குழந்தைகள் மற்றும் மாணவ - மாணவியர் விளையாட பாழடைந்த கட்டடம் அருகே செல்கின்றனர்.

அவ்வாறு செல்லும்போது, விபத்து அசம்பாவிதங்கள் ஏற்படும் ஆபத்து உள்ளது. எனவே, 'பாழடைந்த கட்டடத்தை இடித்து அகற்ற, சம்பந்தப்பட்ட அதிகாரிகள் நடவடிக்கை எடுக்க வேண்டும்' என, பெற்றோர் வேண்டுகோள் விடுத்துள்ளனர்.