தற்போது இந்த கட்டடம் சிதிலமடைந்து உள்ளது. கட்டடத்தின் மேல்பகுதி பழுதடைந்து சிமென்ட் காரைகள் பெயர்ந்துள்ளதால், மழைக்காலங்களில் மழைநீர் ஊடுருவி கட்டடத்தின் மேல் பகுதி எப்போது இடிந்து விழுமோ என்ற அபாய நிலையில் உள்ளது. இந்த கட்டடத்தின் எதிரில் மற்றொரு வகுப்பறை கட்டடம் கட்டப்பட்டு தற்போது மாணவர்கள் அங்கு கல்வி கற்கின்றனர்.

மழைக்காலம் துவங்கி உள்ள நிலையில் மழைநீர் தேங்கி பழைய கட்டடம் இடியும் அபாயம் உள்ளது. இதுகுறித்து பூண்டி ஒன்றிய அதிகாரிகளுக்கு தகவல் கொடுத்தும் இதுவரை பழைய கட்டடத்தை இடிக்காமல் மெத்தனமாக உள்ளனர்.

பெரிய அளவில் விபத்து ஏற்படும் முன் கலெக்டர் உடனடியாக நடவடிக்கை எடுத்து பழுதடைந்த கட்டடத்தை இடித்து அப்புறப்படுத்த வேண்டும் என மாணவர்கள், பெற்றோர், கிராம மக்கள் கோரிக்கை விடுத்துள்ளனர்.