விழாவின் 18ம் நாளான நேற்று காலை, துரியோதனன் படுகளம் நிகழ்ச்சி நடந்தது. இதையொட்டி, கோவில் வளாகத்தில் அமைக்கப்பட்ட பிரமாண்டமான களிமண் சிலை அருகே, தெருக்கூத்து கலைஞர்கள், பீமசேனன், துரியோதனன் வேடம் அணிந்து, 18ம் போர்க்கள நிகழ்வை நடத்தினர்.

இதில், துரியோதனனை பீமசேனன் வெற்றி கொண்டார். இதையடுத்து, திரவுபதியம்மன் தனது சபதத்தை நிறைவேற்றி, கூந்தலை முடிந்தார். இதை காண ஆயிரக்கணக்கான பக்தர்கள் திரண்டனர்.

அதை தொடர்ந்து, மாலை 6:00 மணிக்கு தீமிதி திருவிழா நடந்தது. காப்பு கட்டி விரதம் மேற்கொண்ட திரளான பக்தர்கள், அக்னி குண்டத்தில் இறங்கி நேர்த்திக்கடனை நிறைவேற்றினர்.