மக்கள் வேதனை
இது குறித்து நத்தமேடு பகுதிமக்கள் கூறியதாவது: கடந்த 30 ஆண்டுகளாக இங்கு வசித்து வருகிறோம். ஒவ்வொரு மழையின்போதும் பாதிப்பு ஏற்படுகிறது. அரசியல்வாதிகள், அதிகாரிகள் வந்து பார்த்துவிட்டு செல்வதோடு சரி, எந்த நடவடிக்கையும் எடுப்பதில்லை. சமைப்பதற்கும் குடிப்பதற்கும் இந்த தண்ணீரை தான் பயன்படுத்தி வருகிறோம். இந்த தண்ணீரை குடித்து தான் சாகிறோம். இடுப்பளவுக்கு வெள்ளம் தேங்கி நிற்பதால், காய்ச்சல் ஏற்பட்டால் கூட மருத்துவமனைக்கு செல்ல முடியவில்லை. இவ்வாறு அவர்கள் கூறினர்.

கலெக்டர் ஆய்வு

இந்த நிலையில், நத்தமேடு ஏரி அருகே உபரி நீர் செல்லும் கால்வாயில், திருவள்ளூர் கலெக்டர் பிரதாப், நேற்று முற்பகல் திடீர் ஆய்வு மேற்கொண்டார். பின், உபரி நீர் சீராக வெளியேற வழிவகை செய்ய வேண்டும் என, நீர்வளத்துறை அதிகாரிகளுக்கு உத்தரவிட்டார். ஆனால், வெள்ளத்தில் தத்தளிக்கும் பொதுமக்களை சந்திக்கவில்லை என்பது குறிப்பிடத்தக்கது.