இந்த ஏரிகளின் நீராதாரத்தை நம்பி, 20,000 ஏக்கர் விவசாய நிலம், பாசன வசதி பெறுகிறது என்பதும் குறிப்பிடத்தக்கது.

இந்நிலையில், வீரமங்கலம் ஏரியின் நீர்வரத்து கால்வாயில், மரிக்குப்பம் சாலையை ஒட்டி குப்பை கொட்டி எரிக்கப்பட்டு வருகிறது. இதனால், ஏரிக்கு வரும் நீர், மாசடைகிறது. நிலத்தடி நீரும் மாசு அடையும். குடிநீர் தரம் குறையும் என, பகுதிவாசிகள் அச்சப்படுகின்றனர்.

நீர்வரத்து கால்வாயில் குப்பை கொட்டி எரிப்பதை தடுக்க வேண்டும் என, இயற்கை ஆர்வலர்கள் கோரிக்கை விடுத்துள்ளனர்.