சில மாதங்களுக்கு முன், அமைச்சர் நாசரிடம் பங்களாமேடு கிராமத்தினர் வீட்டு மனை பட்டா வழங்க வேண்டும் என, கோரிக்கை வைத்திருந்தனர்.

இதையடுத்து, பங்களாமேடு இருளர் காலனியைச் சேர்ந்த 66 பேருக்கு இலவச வீட்டு மனை பட்டா வழங்கும் நிகழ்ச்சி திருத்தணி வருவாய் கோட்டாட்சியர் தீபா தலைமையில் நேற்று நடைபெற்றது.

இதில் சிறப்பு அழைப்பாளராக திருத்தணி தி.மு.க., - எம்.எல்.ஏ., சந்திரன் பங்கேற்று, பயனாளிகளுக்கு இலவச வீட்டு மனை பட்டாக்களை வழங்கினார்.

அப்போது சுடுகாடு, விளையாட்டு திடல் அமைக்க வேண்டும் என, எம்.எல்.ஏ.,விடம் கோரிக்கை மனு வழங்கினர்.

நிகழ்ச்சியில், திருத்தணி தாசில்தார் மலர்விழி உட்பட பலர் பங்கேற்றனர்.