கலெக்டர் பிரதாப் விடுத்துள்ள செய்திக்குறிப்பு:

திருவள்ளுர் மாவட்ட விளையாட்டரங்குகளில், முன்னாள் முதல்வர் கருணாநிதி நுாற்றாண்டு விழாவை முன்னிட்டு, இளைஞர்களுக்கான மாவட்ட அளவிலான கபடி, கால்பந்து மற்றும் வாலிபால் போட்டி, ஏப்., 3 - 5ம் தேதிகளில் நடக்கிறது.

மேலும், இளைஞர்களுக்கு விழிப்புணர்வு ஏற்படுத்தும் வகையில், ஏப்., 6ம் தேதி காலை 6:00 மணிக்கு மாரத்தான் போட்டி நடக்கிறது. 26 - 35 வயதிற்கு உட்பட்ட ஆண்களுக்கு, 20 கி.மீ., துாரம், பெண்களுக்கு 10 கி.மீ., துாரம் போட்டி நடைபெறும்.

திருவள்ளூர் மாவட்டத்தைச் சேர்ந்த அனைத்து இளைஞர்களும் இப்போட்டியில் பங்கேற்கலாம். மேலும், விபரங்களுக்கு மாவட்ட விளையாட்டு அலுவலரை தொடர்பு கொள்ளலாம்.

இவ்வாறு அதில் கூறப்பட்டுள்ளது.