அமிர்ந்தமங்கலம் கிராமத்தில், மினி ஸ்டேடியம் ஏற்படுத்த உள்ள இடத்தை பல ஆண்டுகளாக, ஏழு குடும்பத்தினர் விவசாயம் செய்து வருகின்றனர். வாழ்வாதாரத்தை இழக்க செய்யும் ஸ்டேடியத்திற்கு எதிர்ப்பு தெரிவித்து, நேற்று அவர்கள் ஆர்ப்பாட்டத்தில் ஈடுபட்டதால், போலீசாருக்கும், கிராம மக்களுக்கும் இடையே தள்ளுமுள்ளு ஏற்பட்டது.

கும்மிடியில் பயன்படாத இடத்தில் 'மினி ஸ்டேடியம்' கும்மிடிப்பூண்டி ஒன்றியத்தில் மினி ஸ்டேடியம் அமைக்க, 3 கோடி ரூபாய் ஒதுக்கப்பட்டது. தடகள டிராக்குடன், விளையாட்டு மைதானம் அமைக்கப்பட உள்ளது. அதிகளவில் இளைஞர்கள் மற்றும் இளம்பெண்கள் கூடும் இடமாக கும்மிடிப்பூண்டி சிப்காட் பகுதி உள்ளது. எனவே, சிப்காட்டை மையப்படுத்தி, மினி ஸ்டேடியம் அமைக்கப்படும் என, இளைஞர்கள் எதிர்பார்த்து காத்திருந்தனர். ஆனால், ஒட்டுமொத்த மக்களுக்கும் ஏமாற்றம் மட்டுமே மிஞ்சியது. நகரை விட்டு, 15 கி.மீ.,யில் உள்ள அமிர்தமங்கலம் கிராமத்தில், மினி ஸ்டேடியம் அமைக்க, 7 ஏக்கர் நிலம் தேர்வு செய்யப்பட்டுள்ளது. அனாதீனம் வகையை சேர்ந்த அந்த நிலத்தை ஆக்கிரமிப்பில் இருந்த ஒன்றிய நிர்வாகம் கையகப்படுத்தியது. தற்போது, மினி ஸ்டேடியம் நிறுவும் பணிகளை துவங்க இருக்கிறது. எனவே, கும்மிடிப்பூண்டி சிப்காட் வளாகத்தை மையப்படுத்தி, புதுகும்மிடிப்பூண்டி, பெத்திக்குப்பம், தேர்வழி ஆகிய ஊராட்சிகளில் புதிய இடத்தை தேர்வு செய்து, மினி ஸ்டேடியம் அமைக்க வேண்டும் என, அப்பகுதி மக்கள் கோரிக்கை விடுத்துள்ளனர். அமிர்ந்தமங்கலம் கிராமத்தில், மினி ஸ்டேடியம் ஏற்படுத்த உள்ள இடத்தை பல ஆண்டுகளாக, ஏழு குடும்பத்தினர் விவசாயம் செய்து வருகின்றனர். வாழ்வாதாரத்தை இழக்க செய்யும் ஸ்டேடியத்திற்கு எதிர்ப்பு தெரிவித்து, நேற்று அவர்கள் ஆர்ப்பாட்டத்தில் ஈடுபட்டதால், போலீசாருக்கும், கிராம மக்களுக்கும் இடையே தள்ளுமுள்ளு ஏற்பட்டது.