இப்பகுதியில் உள்ள நெடுஞ்சாலையோரம் வேம்பு, புளி, ஆலம், வேங்கை என, 100க்கும் மேற்பட்ட மரங்கள் உள்ளன. இந்த மரங்கள் வயதான நிலையில் உள்ளதால் பல மரங்களின் கிளைகள் அவ்வப்போது முறிந்து விழுகின்றன. இதனால், வாகன ஓட்டிகள் அச்சத்துடன் சென்று வருகின்றனர். சில நேரங்களில் வாகன ஓட்டிகள் விபத்தில் சிக்கி வருகின்றனர்.

இரவு நேரங்களில் சாலையோரம் உள்ள சேதமடைந்த மரத்தால், எதிரே வரும் வாகனங்களுக்கு வழி விடும்போது விபத்தில் சிக்கும் நிலை ஏற்படுகிறது.

எனவே, சம்பந்தப்பட்ட துறையினர் நெடுஞ்சாலையோரம் வயதான மரங்களை அகற்ற நடவடிக்கை எடுக்க வேண்டும் என, வாகன ஓட்டிகள் கோரிக்கை விடுத்துள்ளனர்.