இந்நிலையில், ஒரு மாதத்திற்கு முன் வெங்கத்துார் ஊராட்சி திருவள்ளூர் நகராட்சியுடன் இணைக்கப்படுவதாக தமிழக அரசு அறிவித்தது.

இதையடுத்து, ஒன்றரை மாதமாக குப்பை அகற்றப்படாததால் கிடங்கு முழுதும் நிரம்பி நெடுஞ்சாலையோரம் குவிந்து வருகிறது. இதனால் ஏற்படும் துர்நாற்றத்தால் நெடுஞ்சாலையில் வாகனங்களில் செல்வோர் மற்றும் பகுதி மக்களுக்கு நோய் பரவும் அபாயம் உள்ளது.

எனவே, மாவட்ட நெடுஞ்சாலையோரம் குவிந்து வரும் குப்பையை அகற்ற நடவடிக்கை எடுக்க வேண்டும் என, வாகன ஓட்டிகள் மற்றும் பகுதிவாசிகள் கோரிக்கை விடுத்துள்ளனர்.