அங்கன்வாடி மையம் நுழைவாயிலை ஒட்டி, கழிவுநீர் கால்வாய் பாய்கிறது. இந்த கால்வாய் திறந்தநிலையில் பராமரிப்பு இன்றி கிடக்கிறது. கழிவுநீர் வெளியேற தடை ஏற்பட்டுள்ளதால் துர்நாற்றம் வீசுகிறது.

இதனால், பள்ளி மாணவர்களும், அங்கன்வாடி குழந்தைகளும் அவதிப்பட்டு வருகின்றனர். மேலும், பள்ளிக்கு வரும் மாணவர்கள், திறந்து கிடக்கும் கால்வாயில் தவறி விழும் நிலை உள்ளது. இதனால், பெற்றோர் கடும் அதிருப்தி அடைந்துள்ளனர். கால்வாயை துார் வாரி சீரமைக்கவும், கால்வாய்க்கு மேல்தளம் அமைக்கவும் பகுதிவாசிகள் கோரிக்கை விடுத்துள்ளனர்.