ஸ்ரீகாளிகாபுரத்தில் மட்டும் இதுவரை எந்தவொரு வங்கி கிளையும் திறக்கப்படவில்லை. இதனால், இங்கு வசிப்போர் ராணிப்பேட்டை மாவட்டம், சோளிங்கரில் உள்ள வங்கிகளில் கணக்கு துவக்கியுள்ளனர்.

ஸ்ரீகாளிகாபுரத்தில் இருந்து சோளிங்கருக்கு போதுமான பேருந்து வசதி இல்லை. தடம் எண்: டி 65 என்ற அரசு பேருந்து மட்டுமே இயக்கப்பட்டு வருகிறது. இதனால், வங்கிக்கு சென்றுவர பகுதிமக்கள் சிரமப்பட்டு வருகின்றனர்.

எனவே, ஸ்ரீகாளிகாபுரத்தில் இந்தியன் வங்கி கிளை திறக்கப்பட வேண்டும் என, அப்பகுதி மக்கள் கோரிக்கை விடுத்துள்ளனர்.