மீஞ்சூரில் கூடியிருந்த மக்களிடம், வாகனத்தில் இருந்தபடியை மனுக்களை பெற்றார். இதில், மீஞ்சூர் அனைத்து வியாபாரிகள் பொது நலச்சங்கத்தின் சார்பில், மீஞ்சூர் பகுதிக்கு அரசு அறிவித்த குடிநீர் திட்ட பணிகளை துவக்க வேண்டும் என, முதல்வரிடம் மனு அளிக்கப்பட்டது.

அந்த மனுவில் கூறப்பட்டுள்ளதாவது:

கடந்தாண்டு சட்டசபை நிகழ்வின்போது, 'மீஞ்சூர் பேரூராட்சி மக்களின் குடிநீர் தேவையை பூர்த்தி செய்வதற்கு, மீஞ்சூர் அடுத்த காட்டுப்பள்ளியில் உள்ள கடல்நீரை குடிநீராக்கும் ஆலையில் இருந்து, குடிநீர் வழங்கப்படும்' என தெரிவிக்கப்பட்டது. ஆனால், தற்போது வரை செயல்பாட்டிற்கு வரவில்லை.

காட்டூர் - திருப்பாலைவனம் சாலையில், ரயில்வே மேம்பாலத்திற்கு இணைப்பு சாலை அமைக்கும் பணிகளை துரிதப்படுத்த வேண்டும். மீஞ்சூர் பகுதியில் அரசு மேல்நிலைப்பள்ளி இல்லை. ஏழை, எளிய மாணவர்கள் உயர்கல்வி பெற இயலாத சூழ்நிலை உள்ளது.

மீஞ்சூர் - வண்டலுார் வெளிவட்ட சாலை வழியாக, கிளாம்பாக்கத்திற்கு மாநகர பேருந்துகளை இயக்க நடவடிக்கை எடுக்க வேண்டும்.

இவ்வாறு அதில் கூறப்பட்டுள்ளது.