இந்த பகுதியினர் ஊராட்சி ஒன்றிய அலுவலகம், வட்டார கல்வி அலுவலகம் உள்ளிட்டவற்றிற்கு திருவாலங்காடு செல்ல வேண்டியுள்ளது. இங்கிருந்து திருவாலங்காடுக்கு செல்ல பேருந்து வசதி இல்லாததால், இப்பகுதி மக்கள் பல்வேறு சிரமங்களை அனுபவித்து வருகின்றனர்.

இதுகுறித்து அப்பகுதியினர் கூறியதாவது:

திருவாலங்காடு செல்ல தடம் எண்: 97 என்ற அரசு பேருந்து- திருத்தணி -- நாராயணபுரம் கூட்ரோடு வழியாக, திருவள்ளூர் செல்லும். இந்த ஒரேயொரு பேருந்து மட்டுமே இயக்கப்படுகிறது.

அதற்கும் எங்கள் கிராமத்தில் இருந்து, 6 -- 10 கி.மீ., துாரம் ஆட்டோ அல்லது இருசக்கர வாகனத்தில் லிப்ட் கேட்டு, சென்னை -- திருப்பதி தேசிய நெடுஞ்சாலைக்கு சென்று, அங்கிருந்து பேருந்து பிடித்து செல்லும் அவலநிலை உள்ளது.

எனவே, பூனிமாங்காடு -- திருவாலங்காடுக்குபேருந்து இயக்கும் பட்சத்தில், 30 கிராம மக்கள் பேருந்து சேவை பெற முடியும். இது தொடர்பாக, அதிகாரிகள் உடனடியாக நடவடிக்கை எடுக்க வேண்டும்.

இவ்வாறு அவர்கள் கூறினர்.