இக்கிராமங்களில் நிலத்தடி நீர் உவர்ப்பு தன்மை கொண்டதாக இருப்பதால், மழைநீரை நம்பியே விவசாயம் நடைபெறுகிறது. கால்வாய் பராமரிப்பு இன்றி கிடப்பதாலும், தடுப்பணைகள் இல்லாததாலும் மழைநீரை முழுமையாக சேமித்து வைக்க முடியாத நிலை உள்ளது.

இதன் காரணமாக விவசாயம் பாதிக்கிறது. மேலும், பழவேற்காடு உவர்ப்பு நீர் ஏரியில், மழைநீர் கலந்து வீணாகிறது. விவசாயத்திற்கும், நிலத்தடி நீர் பாதுகாப்பிற்கும் பயன்தரும் இந்த கால்வாயை முழுமையாக துார்வாரி, இருபுறமும் கரைகள் அமைத்து, தேவையான இடங்களில் தடுப்பணைகள் அமைத்தால், பயனுள்ளதாக இருக்கும் என, விவசாயிகள் தெரிவிக்கின்றனர்.

இதுகுறித்து நீர்வளத்துறையினர் ஆய்வு மேற்கொண்டு, நடப்பாண்டு பருவமழைக்கு முன் கால்வாயை சீரமைத்து, மழைநீரை சேமிக்க நடவடிக்கை எடுக்க வேண்டும் என, விவசாயிகள் கோரிக்கை விடுத்துள்ளனர்.