கடந்த, 13ல் மாவட்ட தலைநகரில் உண்ணாவிரத போராட்டம் நடந்த நிலையில், நேற்று அனைத்து அலுவலகங்களிலும், காத்திருப்பு போராட்டம் நடத்தினர்.

திருவள்ளூர் கலெக்டர் அலுவலகத்தில் நடந்த போராட்டத்திற்கு, மாநில துணைத் தலைவர் மணிகண்டன், மாவட்ட தலைவர் வெண்ணிலா தலைமை வகித்தனர். பொன்னேரி தாசில்தார் அலுவலக நுழைவாயிலில், நடந்த போராட்டத்தில், வருவாய்த் துறை அலுவலர்களின் பணியிறக்கம், பெயர் மாற்றம், விதி திருத்தம், அலுவலக உதவியாளர் காலி பணியிடம் நிரப்புதல் உள்ளிட்ட பல்வேறு கோரிக்கைகள் வலியுறுத்தப்பட்டன.

வரும், 27 ம்தேதி முதல், காலவரையற்ற வேலை நிறுத்தப்போராட்டம் மற்றும் ஜாக்டோ - ஜியோ நடத்தும் போராட்டங்களிலும் முழுமையாக பங்கேற்போம் என தெரிவித்தனர்.

இந்த போராட்டத்தால், அலுவலகம் வெறிச்சோடி, பல்வேறு சான்றுகளை பெற முடியாமல் பொதுமக்கள் ஏமாற்றம் அடைந்தனர்.