சாலையில் மழைநீர் பெருக்கெடுத்து ஓடியது. முறையான பராமரிப்பு இல்லாததால், கழிவுநீர் கால்வாயில் அடைப்பு ஏற்பட்டு கழிவுநீர் செல்லாமல் தேங்கியது. திருவள்ளூர் சாலையில் கழிவுநீர் கால்வாயில் இருந்து கழிவுநீர் மழைநீருடன் கழிவுநீர் சேர்ந்து சாலையில் ஓடியது. இதில் அரசு பெண்கள் மேனிலைப் பள்ளியில் மழைநீருடன் கலந்து கழிவுநீர் பள்ளி வளாகத்தில் சென்றது.

அங்கு குளம் போல் தேங்கிய நீரில் துர்நாற்றம் வீசியது. ஆசிரியர்கள், மாணவிகள் தேங்கியுள்ள கழிவுநீரில் நடந்து செல்ல வேண்டிய அவல நிலை ஏற்பட்டது. பள்ளி வளாகத்தில் சேர்ந்துள்ள கழிவுநீரை அகற்றவில்லை. எனவே மாணவிகளுக்கு நோய் தொற்று ஏற்படும் அபாயம் உள்ளது.

எனவே, மாவட்ட கலெக்டர் உடனடியாக நடவடிக்கை எடுத்து, ஊத்துக்கோட்டை அரசு பெண்கள் மேனிலைப் பள்ளி வளாகத்தில் உள்ள கழிவுநீருடன் கலந்து மழை நீரை அகற்ற வேண்டும் என ஆசிரியர்கள், மாணவியர், பெற்றோர் கோரிக்கை விடுத்துள்ளனர்.