திருவிழாவின் முக்கிய நிகழ்வுகளில் ஒன்றான திரவுபதியம்மன் திருக்கல்யாணம் நேற்று முன்தினம் நடந்தது. கோவில் முன் மண்டபத்தில் நடந்த இந்த வைபவத்தில், பொம்மராஜபேட்டையை சேர்ந்தவர்களும், பொம்மராஜபேட்டையில்க இருந்து பெங்களூருவில் குடிபெயர்ந்துள்ளவர்களும் பங்கேற்றனர். மாலை 6:00 மணிக்கு தர்மராஜா உடனுறை திரவுபதியம்மன் மலர் அலங்காரத்தில் வீதியுலா எழுந்தருளினார். வரும் 18 ம் தேதி அர்ச்சுனன் தபசு நிகழ்ச்சியும், 20ம் தேதி துரியோதனன் படுகளம் மற்றும் தீமிதி திருவிழா நடைபெற உள்ளது.