திருவள்ளூர் கலெக்டர் பிரதாப் விடுத்துள்ள செய்திக்குறிப்பு:

திருவள்ளூர் மாவட்டத்தில், நடப்பு 2025ம் ஆண்டிற்கான தமிழக முதல்வர் கோப்பை விளையாட்டு போட்டிகள், இன்று துவங்கி வரும் செப்., 12ம் தேதி வரை நடைபெற உள்ளது.

பள்ளி மாணவ - மாணவியருக்கான நீச்சல் போட்டி, நாளை நடைபெறுவதாக முன்னர் அறிவிக்கப்படது. அன்றைய தினம், சி.பி.எஸ்.சி., தேசிய அளவிலான நீச்சல் போட்டி நடைபெற உள்ளது.

இதன் காரணமாக, செப்., 4ம் தேதி காலை 6:00 மணிக்கு மாற்றம் செய்யப்பட்டு, போட்டிகள் திருவள்ளூர் மாவட்ட விளையாட்டரங்கத்தில் உள்ள நீச்சல் குள வளாகத்தில் நடைபெறும்.

இவ்வாறு அதில் கூறப்பட்டுள்ளது.