ஆந்திராவில் உருவாகும் ஆரணி ஆறு, பிச்சாட்டூர் ஏரி, சுருட்டப்பள்ளி அணைக்கட்டு ஆகிய நீர்நிலைகளில் தேக்கி வைக்கப்படுகிறது. பிச்சாட்டூர் ஏரியின் முழு கொள்ளளவு, 1.81 டி.எம்.சி., நீர்மட்டம் 31 அடி.

தற்போது, வடகிழக்கு பருவமழை பெய்து வருகிறது. மேலும், 'மோந்தா' புயல் காரணமாக பலத்த மழை பெய்து, ஏரிக்கு நீர்வரத்து ஏற்பட்டது. இதன் காரணமாக ஏரியின் நீர்மட்டம், 'கிடுகிடு'வென உயர்ந்தது.

நேற்று காலை 6:00 மணி நிலவரப்படி, ஏரியில் 1.711 டி.எம்.சி., நீர் உள்ளது. நீர்மட்டம் 30 அடியாக உள்ளது. நீர்வரத்து வினாடிக்கு, 50 கன அடி வந்து கொண்டிருக்கிறது.