நல்ல நிலையில் உள்ள வாகனங்கள் ஏலம் விடப்பட்ட நிலையில், மிகவும் சேதமடைந்த வாகனங்களை அப்புறப்படுத்துவதற்காக, திருவள்ளூர் கோட்டாட்சியர் அலுவலகத்தில், ஆறு மாதங்களுக்கும் மேலாக நிறுத்தி வைக்கப்பட்டு உள்ளன.

இதனால், கோட்டாட்சியர் அலுவலகம், 'காயலான்' கடை போல் காட்சியளிப்பதாக, அங்கு வரும் மக்கள் புகார் தெரிவிக்கின்றனர். மேலும், நீண்ட காலமாகியும், அந்த வாகனங்கள் ஏலம் விடப்படாமல் உள்ளதால், அவற்றில் செடிகள் வளர்ந்து, துருப்பிடித்து வீணாகி வருகின்றன.

இதன் காரணமாக, பாரம்பரிய கட்டடமான வருவாய் கோட்டாட்சியர் அலுவலகம், அதன் பழமையை இழந்து பரிதாப நிலையில் உள்ளது.

எனவே, கோட்டாட்சியர் அலுவலகத்தில் குவித்து வைக்கப்பட்டுள்ள வாகனங்களை, உடனே அப்புறப்படுத்த நடவடிக்கை எடுக்க வேண்டும் என, சமூக ஆர்வலர்கள் வேண்டுகோள் விடுத்துள்ளனர்.