நேற்று முன்தினம் மாலை, வீட்டில் உள்ள காஸ் அடுப்பில் சமையல் செய்ய பற்ற வைத்தபோது, ரப்பர் தீப்பிடித்தது. தீ, 'மளமள' வென வீடு முழுதும் பரவியது.

ராஜேஸ்வரி அலறல் சத்தம் கேட்டு அக்கம் பக்கம் இருந்தவர்கள் ஓடி வந்து தண்ணீர் ஊற்றி தீயை அணைக்க முயன்றனர்.

ஆனால் கூரைவீடு முழுதும் தீப்பிடித்து, மளிகைப் பொருட்கள், துணிமணிகள், சான்றிதழ்கள் மற்றும் 30,000 ரூபாய் எரிந்து நாசமாயின.

இதுகுறித்து ராஜேஸ்வரி கொடுத்த புகாரின் பேரில், பென்னலுார்பேட்டை போலீசார், விசாரித்து வருகின்றனர்.