இது தவிர பள்ளிப்பட்டு ஒன்றியம், கொடிவலசா வழியாக குக்கிராம காட்டுப்பாதை ஒன்றும் உள்ளது. இந்த வழியாக ஆந்திர மாநிலம், வனதுர்காபுரம், பாலசமுத்திரம் வழியாக சித்துாருக்கு தார் சாலை வசதி உள்ளது.

ஆந்திர மாநிலம், நகரி ஓஜிகுப்பம், பாலசமுத்திரம் அய்யன்கண்டிகை உள்ளிட்ட பகுதிகளில் இருந்து தமிழகத்திற்கு போதை பொருட்கள் கடத்தி வரப்படுகின்றன.

பிரதான சாலைகளில் போலீசாரின் கண்காணிப்பு உள்ளதால், கடத்தல் ஓரளவிற்கு கட்டுப்பாட்டில் உள்ளது. அதே நேரத்தில் , கண்காணிப்பு குறைவாக உள்ள வனதுர்காபுரம் வழியாக ஆந்திர மாநிலத்தில் இருந்து கடத்தல்காரர்கள் வந்து செல்ல வாய்ப்பு உள்ளது.

எனவே வனதுர்காபுரம் சாலையில், கொடிவலசா பகுதியில், ஆர். கே.பேட்டை மதுவிலக்கு அமலாக்க பிரிவு போலீசார் கண்காணிப்பை தீவிரப்படுத்த வேண்டும் என்ற கோரிக்கை எழுந்துள்ளது.