பதிவுக்கு வரும் புதிய டூ- - வீலர்கள் மற்றும் கார்களை நிறுத்த அந்த அலுவலகத்தில் இடவசதி இல்லாததால், அனைத்து வாகனங்களும், தேசிய நெடுஞ்சாலையின் மேம்பாலத்தின் கீழ் உள்ள சாலையை ஆக்கிரமித்து நிறுத்தப்படுகின்றன.

மோட்டார் வாகன ஆய்வாளர், அங்கு நிறுத்தப்படும் நுாற்றுக்கணக்கான வாகனங்களின் எஞ்சின் எண், சேசிஸ் எண் ஆகியவற்றை சரிபார்த்து முடிக்கும் வரை, அந்த வாகனங்கள் அங்கேயே நிறுத்தப்படுகின்றன. இதனால், அந்த சாலையில் காலை முதல் மதியம் வரை போக்குவரத்து நெருக்கடி ஏற்படுகிறது.

மோட்டார் வாகன ஆய்வாளர் தொடர்புடைய பணி என்பதால் அவ்வழியாக கடந்த செல்லும் வாகன ஓட்டிகளும் கேள்வி ஏதும் கேட்காமல் கடந்து செல்வதாக வாகன ஓட்டிகள் தெரிவிக்கின்றனர்.

விரைவில், போக்குவரத்து அலுவலகத்திற்கு, கும்மிடிப்பூண்டியில் தனி இடம் ஒதுக்கி, சொந்த கட்டடத்தில் போதிய இடவசதியுடன் அந்த அலுவலகத்தை இயக்க வேண்டும். அதுவரை போக்குவரத்துக்கு இடையூறு இன்றி மாற்று இடத்தில் புதிய வாகனங்களின் பதிவு தொடர்பான பணிகளை மேற்கொள்ள வேண்டும் என, வாகன ஓட்டிகள் கோரிக்கை விடுத்துள்ளனர்.