இச்சாலைகளில் இரு கார்கள் எதிரெதிரே செல்ல முடியாது. இதனால், பரபரப்பான காலை மற்றும் மாலை நேரத்தில், போக்குவரத்து நெரிசலில் சிக்கி ரயில் பயணியர் கடும் அவதிப்பட்டு வருகின்றனர். ரயில் பயணியரின் நலன் கருதி, மேற்கண்ட இரு சாலைகளை ஒரு வழிச்சாலையாக மாற்ற வேண்டும்.

ஒரு சாலை, ஜி.என்.டி., சாலையில் இருந்து ரயில் நிலையம் செல்வதற்கும், மற்றொரு சாலை ரயில் நிலையத்தில் இருந்து ஜி.என்.டி., சாலை வருவதற்கும் என, மாற்ற வேண்டும். அதற்கு, கும்மிடிப்பூண்டி போக்குவரத்து போலீசார் உரிய நடவடிக்கை எடுக்க வேண்டும் என, ரயில் பயணியர் கோரிக்கை விடுத்துள்ளனர்.