சென்னை, மேற்கு அண்ணா நகரைச் சேர்ந்தவர் கிருஷ்கேசவ், 20; முகப்பேர் தனியார் கல்லுாரி, பி.காம்.,இறுதியாண்டு மாணவர். அதே பகுதியைச் சேர்ந்தவர் சையது ரியாஸ், 18 தனியார் கேட்டரிங் நிறுவன சமையல் கலைஞர்.

நேற்று, மெரினா கடற்கரை செல்வதாக குடும்பத்தினரிடம் கூறிவிட்டு, தங்கள் பகுதியைச் சேர்ந்த ஆகாஷ், 19, ரக்ஷித், 18,தோழி ஆர்யா ஆகியோருடன், மாமல்ல புரத்திற்கு சுற்றுலாவந்தனர்.

பகல் 11:00 மணிக்கு, மீனவர் பகுதி அருகே கடலில்குளித்தபோது,கிருஷ்கேசவ், சையது ரியாஸ் ஆகியோர்ராட்சத அலையில் சிக்கி, கடலுக்குள் இழுத்துச் செல்லப்பட்டு மாயமாகினர்.

கிருஷ்கேசவ் தந்தை, மாமல்லபுரம் காவல் நிலையத்தில் புகார் அளித்தார்.

இதையடுத்து, போலீசார் மற்றும் தீயணைப்பு வீரர்கள் மாலை வரை தேடியும் கிடைக்கவில்லை.