திருவள்ளூர் கலெக்டர் அலுவலகத்தில் நேற்று, பிரதம மந்திரி மீன்வள மேம்பாட்டு திட்டத்தின் கீழ் சில்லரை மீன் விற்பனையை ஊக்குவிக்கும் வகையில் 40 சதவீத மானியத்தில் மீனவர்களுக்கு குளிர்சாதன பெட்டியுடன் இருசக்கர வாகனம் வழங்கும் நிகழ்ச்சி நடந்தது.

இதில், 9 பேருக்கு 2.70 லட்சம் மானியத்தில் இருசக்கர வாகனத்தை கலெக்டர் பிரபு சங்கர் வழங்கினார். நிகழ்ச்சியில், மீன்வள உதவி இயக்குநர் விஜய் ஆனந்த், மீன்வள ஆய்வாளர் காமீல் அகமது உள்ளிட்டோர் பங்கேற்றனர்.