திருவள்ளூர் ராஜாஜிபுரம் பகுதியைச் சேர்ந்தவர் குழந்தைவேலு மகன் ஜெயகுமார், 18. இவர், மப்பேடு பகுதியில் எச்.என்., என்ற வாகனங்கள் கழுவும், வாட்டர் சர்வீஸ் சென்டரில் பணிபுரிந்து வந்தார்.

நேற்று முன்தினம் இரவு 7:30 மணியளவில் பணியிலிருந்த போது, எதிர்பாராத விதமாக மின்சாரம் பாய்ந்ததில் துாக்கி வீசப்பட்டார். இதில் படுகாயமடைந்தவரை மீட்டு, திருவள்ளூர் அரசு மருத்துவமனையில் சேர்த்தனர். அங்கு, சிகிச்சை பலனின்றி உயிரிழந்தார்.

இதுகுறித்த புகாரின்படி, மப்பேடு போலீசார் வழக்கு பதிந்து விசாரித்து வருகின்றனர்.