திருவாரூர் மாவட்டம், நீடாமங்கலம் அருகே பெரம்பூர் கிராமத்தை சேர்ந்தவர் துரைராஜ். இவரது மகன் புகழ்ராஜ், 22, பொறியியல் கல்லுாரி மாணவர். இவர், நேற்று முன்தினம் இரவு, நீடாமங்கலத்தில் இருந்து, வையகளத்துாருக்கு டூ - வீலரில் சென்று கொண்டிருந்தார்.

நீடாமங்கலம் மேம்பாலத்தில் செல்லும் போது, நிலை தடுமாறி, பாலத்தின் கட்டையில் மோதி கீழே விழுந்தார். அவ்வழியாக சென்றவர்கள், அவரை நீடாமங்கலம் அரசு மருத்துவமனைக்கு துாக்கி சென்றனர்.

அவரை பரிசோதித்த டாக்டர்கள், ஏற்கனவே அவர் இறந்து விட்டதாக தெரிவித்தனர்.