அதில், உணவு எண்ணெய்க்கு அனுமதி இல்லாத 'மெக்னீசியம் சிலிகேட்- சிந்தடிக்' என்ற உணவு சேர்மத்தை பயன்படுத்துவது கண்டறியப்பட்டது. இதையடுத்து, அங்கிருந்த 18 கிலோ மெக்னீசியம் சிலிகேட் - சிந்தடிக் பறிமுதல் செய்யப்பட்டது.

மேலும், அதைப் பயன்படுத்தி துாய்மைப்படுத்தப்பட்ட 45 லிட்டர் பழைய உணவு எண்ணெய் பறிமுதல் செய்யப்பட்டது. முன்தயாரிப்பு செய்து, 12 மணி நேரத்திற்கும் மேலாக பயன்படுத்தாமல் இருந்த, 56 கிலோ சிக்கன் பறிமுதல் செய்யப்பட்டு அழிக்கப்பட்டது.

உணவு பாதுகாப்பு நியமன அலுவலர் மாரியப்பன் கூறியதாவது:

பொது சுகாதாரத்திற்கு கேடுவிளைவிக்கும் வகையில், இருப்பு பதிவேட்டிலேயே குறிப்பிடப்படாமல் தனியாக மெக்னீசியம் சிலிகேட் - சிந்தடிக் என்ற உணவு சேர்மத்தை இருப்பு வைத்தது கண்டுபிடிக்கப்பட்டது. பழைய எண்ணெயை துாய்மைப்படுத்த பயன்படுத்தப்பட்டுள்ளது.

அதுகுறித்து விசாரணை நடத்தும் வகையில் கே.எப்.சி., உணவகத்தின் உணவு பாதுகாப்பு உரிமமானது இடைக்காலமாக தற்காலிக ரத்து செய்யப்பட்டுள்ளது.

இவ்வாறு அவர் கூறினார்.