ஆத்திரமடைந்த அப்பகுதி மக்கள், கோவில்பட்டி -- பசுவந்தனை சாலையில் நேற்று திடீரென மறியலில் ஈடுபட்டனர். கொப்பம்பட்டி போலீசார் அவர்களிடம் பேச்சு நடத்தினர். சீராக குடிநீர் வழங்க நடவடிக்கை எடுக்கப்படும் என்று போலீசார் உறுதி அளித்ததை தொடர்ந்து போராட்டத்தில் ஈடுபட்டவர்கள் கலைந்து சென்றனர்.

போராட்டத்தில் ஈடுபட்ட பெண்கள் கூறியதாவது:

கரிசல்குளம் பகுதிக்கு சீராக குடிநீர் வினியோகம் செய்யப்படுவது இல்லை. 'மோட்டார் பழுது' என கூறி ,அடிக்கடி குடிநீர் வினியோகத்தை நிறுத்தி விடுகின்றனர். அதை சரி செய்து, நிரந்தரமாக குடிநீர் வருவதற்கு நடவடிக்கை எடுக்க வேண்டும்.

இவ்வாறு அவர்கள் கூறினர்.