சமீபத்தில் பெய்த மழையால் இரண்டு இடங்களிலும் உள்ள தரைமட்ட பாலத்தில் வெள்ளம் சென்று போக்குவரத்து தடைபட்டது.

பழுதடைந்த பாலத்தில், ஓராண்டாகியும் சீரமைப்பு பணிகளை முடிக்காததை கண்டித்து, துாத்துக்குடி தெற்கு மாவட்ட பா.ஜ.,வினர், மாவட்டத் தலைவர் சித்ராங்கதன் தலைமையில் முக்காணி ஆற்றுப் பாலத்தில் மலரஞ்சலி செலுத்தி போராட்டத்தில் ஈடுபட முயன்றனர்.

அனுமதியின்றி போராட்டம் நடத்துவதாகக் கூறி, அவர்களை ஆத்துார் போலீசார் தடுத்து நிறுத்த முயன்றனர்.

போலீசார் எதிர்ப்பையும் மீறி, மலர் வளையத்துடன் பா.ஜ.,வினர் பாலத்தை நோக்கி சென்றதால், இருதரப்பிற்கும் இடையே தள்ளுமுள்ளு ஏற்பட்டது.

போராட்டத்தில் ஈடுபட்ட நுாற்றுக்கும் மேற்பட்டோரை போலீசார் கைது செய்தனர்.

போக்குவரத்து அதிகமுள்ள முக்காணி தாமிரபரணி ஆற்று பாலத்தில் போலீசாருக்கும், பா.ஜ.,வினருக்கும் இடையே தள்ளுமுள்ளு ஏற்பட்டதால் சிறிது நேரம் பரபரப்பு ஏற்பட்டது.