துாத்துக்குடி:துாத்துக்குடி மாவட்டம், விளாத்திகுளம் அருகே வி.சுப்பையாபுரம் கிராமத்தைச் சேர்ந்த விவசாயி குருமூர்த்தி, 35, நேற்று மிளகாய் மற்றும் வெங்காய பயிர்கள் நடவு செய்யும் பணியில் ஈடுபட்டார். அவருடன் மூன்று பெண்கள் உட்பட 8 பேர் பணி செய்தனர். திடீரென இடி, மின்னலுடன் மழை பெய்தது. அப்போது, மின்னல் தாக்கியதில் குருமூர்த்தி சம்பவ இடத்திலேயே உயிரிழந்தார். கனகா, 34, சென்னம்மாள், 29, வசந்தா, 48, ஆகியோர் காயமடைந்தனர்.