துாத்துக்குடி மாவட்டம், விளாத்திகுளம் அருகே குறளையம்பட்டி கிராமத்தைச் சேர்ந்த விவசாயி கருப்பசாமி; இவரது மகள் முத்துகவுசல்யா, 17. விளாத்திக்குளத்தில் உள்ள கவியரசர் அண்ணாமலை ரெட்டியார் நினைவு மகளிர் மேல்நிலைப் பள்ளியில், பிளஸ் 2 படித்தார்.

பொதுத்தேர்வு எழுதிவிட்டு, தேர்வு முடிவுக்காக காத்திருந்தார். ஏப்., 21ல் பெய்த மழையில், வீட்டின் முன் காய வைக்கப்பட்டிருந்த மிளகாய் பழங்களை, தார்ப்பாய் கொண்டு மூடிய போது, மின்னல் தாக்கி சம்பவ இடத்திலேயே உயிரிழந்தார்.

பிளஸ் 2 தேர்வு முடிவுகள் நேற்று வெளியான நிலையில், மாணவி முத்துகவுசல்யா, 378 மதிப்பெண்கள் எடுத்துள்ளார். தமிழ், -95, ஆங்கிலம், 42, இயற்பியல், 50, வேதியியல், 64, தாவரவியல், 60, விலங்கியல், 67, மதிப்பெண்களை அவர் எடுத்திருந்தார்.