தூத்துக்குடி: தூத்துக்குடி மாவட்டத்தில் உள்ள அரசு பள்ளிகளில் பயிலும் 900 மாணவ, மாணவிகளுக்கு பிசியோதெரபி செக்கப் நேற்று முன்தினம் நடந்தது. சி.வ பள்ளியில் சி.இ.ஓ பரிமளா துவக்கி வைத்தார்.அரசு பள்ளிகளில் பயிலும் மாணவ, மாணவிகளுக்கு கால் வலி, நடக்கும் போது வலி, கீழே அமரும் போது வலி உள்ளிட்ட கோளாறுகள் இருந்தால் அவற்றை ஆரம்பத்திலே சீர் செய்யும் வகையில் அரசு சார்பில் இலவசமாக மாணவ, மாணவிகளுக்கு இதுபோன்ற சோதனை நடத்த கல்வித்துறை உத்தரவிட்டது.இதன்படி தூத்துக்குடி கல்வி மாவட்டத்தில் தூத்துக்குடி சி.வ பள்ளியிலும், கோவில்பட்டி கல்வி மாவட்டத்தில் நாலாட்டின்புதூர் பள்ளியிலும் நேற்றுமுன் தினம் இதற்கான சிறப்பு முகாம் நடந்தது. சி.வ மேல்நிலைப்பள்ளியில் நடந்த முகாமை முதன்மை கல்வி அதிகாரி பரிமளா துவக்கி வைத்தார்.