செய்துங்கநல்லூர்: கருங்குளம் யூனியனில் மண்மாதிரி சேகரிப்பு முகாம் நடந்து வருவதாக வேளாண்மை உதவி இயக்குனர் தெரிவித்துள்ளார்.கருங்குளம் யூனியன் வேளாண்மை உதவி இயக்குனர் கிருஷ்ணபிள்ளை வெளியிட்டுள்ள அறிவிப்பில் கூறியிருப்பதாவது, கருங்குளம் யூனியனில் ஒவ்வொரு கிராமத்திலும் வேளாண்மைத் துறையின் அலுவலர்கள் வந்து மண்மாதிரிகளை சேமித்துக் கொண்டிருக்கின்றனர். விவசாயிகள் தங்கள் நிலத்திலுள்ள மண்மாதிரி எடுத்து பரிசோதனை செய்து பயனடைய கேட்டுக் கொள்கிறேன். மண்மாதிரிகளை பரிசோதனை செய்து நம் நிலத்தின் மண் வளத்தை தெரிந்து கொண்டால் அதற்கேற்ப விவசாயம் செய்து குறைந்த செலவில் அதிக மகசூல் செய்ய வழி செய்கிறது.