திருப்பூர் மாவட்டத்தில் மாநகராட்சி, நகராட்சி, ஊராட்சி, ஒன்றியம் என உள்ளாட்சி சார்ந்த பதவிகளுக்கு, போட்டியிட விரும்புவோர், மனு தாக்கல் செய்ய, மாவட்ட தி.மு.க., அழைப்பு விடுத்துள்ளது. விருப்ப மனு தாக்கல் நேற்று துவங்கியது; 12ம் தேதி மாலை 5.00 மணி வரை மனுதாக்கல் செய்யலாம். உள்ளாட்சி தேர்தலில் போட்டியிடும் ஆர்வத்தில் 1,100 விண்ணப்பங்களை தி.மு.க.,வினர் நேற்று வாங்கிச் சென்றனர். 60 பேர் நேற்று மனுதாக்கல் செய்தனர்; பேரூர் முன்னாள் எம்.எல்.ஏ., நடராஜனிடம், பூர்த்தி செய்த மனுக்களை தி.மு.க.,வினர் அளித்தனர். மாவட்ட தி.மு.க., செயலாளர் சாமிநாதன், மேயர் செல்வராஜ், முன்னாள் எம்.எல்.ஏ., கோவிந்தசாமி உள்ளிட்டோர் உடனிருந்தனர்.