சுனில் கவுசிக் தலைமையிலான பறக்கும்படை குழுவினர், நேற்று காலை, அவிநாசி - திருப்பூர் ரோட்டில் வாகன சோனையில் ஈடுபட்டனர். அணைப்புதுார் செக்போஸ்ட் பகுதியில், பூபதி என்பவர் உரிய ஆவணமின்றி கொண்டுசென்ற 99 ஆயிரத்து 700 ரூபாயை பறக்கும்படை குழுவினர் கைப்பற்றினர்.

திருப்பூர் - ஊத்துக்குளி ரோடு, கவுண்டம்பாளையம் நால்ரோடு அருகே, பிரம்மநாயகம் தலைமையிலான பறக்கும்படை குழுவினர் சோதனை நடத்தினர். தட்டான் தோட்டத்தைச்சேர்ந்த புஷ்பராஜ் என்பவர், காரில் எடுத்துச்சென்ற, 56 ஆயிரம் ரூபாயை பறிமுதல் செய்தனர். இரண்டு இடங்களில் நடத்திய சோதனையில் பறிமுதல் செய்யப்பட்ட, 1 லட்சத்து 55 ஆயிரத்து 700 ரூபாயை, வடக்கு சட்டசபை தொகுதி கூடுதல் உதவி தேர்தல் நடத்தும் அலுவலர் மகேஸ்வரன், சார்நிலை கருவூலத்தில் ஒப்படைத்தார்.