திருப்பூர் -- பல்லடம் ரோடு, டி.கே.டி., மில் அருகில் கூடுதல் பறக்கும் படை செல்வசங்கர் தலைமையிலான குழுவினர் வாகன தணிக்கை மேற்கொண்டனர். அப்போது, காரில் வந்த நபரை நிறுத்தி சோதனை செய்தனர். அம்மாபாளையத்தை சேர்ந்த இன்சூரன்ஸ் ஏஜென்ட் ஈஸ்வரமூர்த்தி என்பவர், உரிய ஆவணங்கள் இல்லாமல் 3 லட்சத்து, 33 ஆயிரத்து 500 ரூபாயை கொண்டு சென்றது தெரிந்தது. பணத்தை பறிமுதல் செய்து, மாநகராட்சி அலுவலகத்தில் ஒப்படைக்கப்பட்டது.