திருப்பூர், நெசவாளர் காலனி, ஜவகர் நகர், 3வது வீதியில் குப்பை அகற்றப்படாமல் ரோட்டில் கொட்டி வைத்துள்ளனர். பாதசாரிகள், வாகன ஓட்டிகள் சிரமப்பட்டு வருகின்றனர்.

- ராஜன், நெசவாளர் காலனி.

அதிகாரிகள் மவுனம்

திருப்பூர், பெரிச்சிபாளையம், வினோபா நகரில் பிரதான தண்ணீர் குழாயும், பாதாள சாக்கடை குழாயும் ஒன்றாக இருக்கிறது. இதனால், பாதிப்பு ஏற்படும் முன், மாநகராட்சி அதிகாரிகள் நடவடிக்கை எடுக்க வேண்டும்.

- கருப்புசாமி, பி.கே.ஆர்., லே அவுட்.

குடிநீருக்கு அவதி

திருப்பூர், முதலிபாளையம், லட்சுமி நகர், அங்காளம்மன் நகர் ஆகிய பகுதிகளில், இரண்டு வாரத்துக்கு ஒரு முறை மட்டுமே குடிநீர் விநியோகம் செய்யப்படுகிறது. இதனால், மக்கள் சிரமப்பட்டு வருகின்றனர்.

- அர்ஜூனன், முதலிபாளையம்.

அவல நிலையில் கழிப்பிடம்

பல்லடம் தாசில்தார் அலுவலகத்தில் மக்கள் பயன்பாட்டில் உள்ள பொது கழிப்பிடம் பாதுகாப்பற்ற நிலையில், சுகாதாரம் இல்லாமல் மோசமான நிலையில் உள்ளது.

- மணி, பல்லடம்.

வீணாகி வரும் குடிநீர்

திருப்பூர், நடராஜ் தியேட்டர் ரோட்டரி மண்டபம் எதிரில், ரோட்டில் குடிநீர் குழாய் உடைந்து, கடந்த, இரு நாட்களாக தண்ணீர் வீணாகி வருகிறது.

- ரவிசந்திரன், திருப்பூர்.

ரியாக் ஷன்

நடைமேடை சீரமைப்பு

திருப்பூர், புஷ்பா மேம்பாலத்தில் உள்ள குமரன் காம்ப்ளக்ஸில் நடைபாதை சேதமடைந்து இருந்தது. இது குறித்து 'தினமலர்' செய்தியால், சரி செய்யப்பட்டது.

- குணசேகரன், திருப்பூர்.