திருப்பூர் ஸ்ரீவிஸ்வேஸ்வர சுவாமி கோவிலில், ஆண்டுதோறும் ஆயிரக்கணக்கான பக்தர்கள், சிவராத்திரி அன்று சுவாமி தரிசனம் செய்வது வழக்கம். அதற்காக, கோவில் வளாகத்தில், பக்தர்களுக்கு தேவையான முன்னேற்பாடுகள் துவங்கியுள்ளன. மாலை, 6:30 மணிக்கு முதல் கால அபிேஷக மற்றும் அலங்காரம்; இரவு, 9:00 மணி, நள்ளிரவு, 12:30 மணி, அதிகாலை, 4:00 மணி ஆகிய நேரங்களில் மகா அபிேஷகம் மற்றும் அலங்கார பூஜைகள் நடக்கின்றன. குறிப்பாக, மூன்றாவது காலத்தில் நடைபெற உள்ள, மகாலிங்கோத்பவர் அபிேஷகத்தை பார்ப்பது சிறப்பு வாய்ந்தது. வரும், 27ம் தேதி காலை, பள்ளியெழுச்சி பூஜையுடன் சிவராத்திரி பூஜைகள் நிறைவு பெறும்.

 திருப்பூர் எஸ்.பெரியபாளையம் ஸ்ரீஆவுடைநாயகி உடனமர் சுக்ரீஸ்வரர் கோவிலில், மகா சிவராத்திரி விழா நாளை நடைபெற உள்ளது. மாலை 6:00 மணிக்கு துவங்கி, நான்கு கால சிவராத்திரி அபிேஷகம் மற்றும் அலங்கார பூஜைகள் விமரிசையாக நடைபெறும். சிவாச்சாரியார்களும், பக்தர்களும், இரவு முழுவதும் கண்விழித்து, தேவாரம், திருவாசகம் உட்பட, பன்னிரு திருமுறைகளை பாராயணம் செய்து, சிவபெருமானை தரிசனம் செய்ய சிறப்பு ஏற்பாடு செய்யப்பட்டுள்ளது.