அவிநாசி; அவிநாசி தமிழர் பண்பாடு கலாசாரப் பேரவை அறக்கட்டளை சார்பில், உலகத் தாய்மொழி நாள் விழாவையொட்டி அவிநாசி பழைய பஸ் ஸ்டாண்ட் அருகே உள்ள பயணியர் விடுதியில் இருந்து அலங்கரிக்கப்பட்ட தமிழ்த்தாயின் படத்துடன் அறக்கட்டளை நிர்வாகிகள் உள்ளிட்டோர் ஊர்வலத்தை துவக்கினர். மெயின் ரோடு, மேற்குரத வீதி வழியாக சேவூர் ரோட்டில் உள்ள வ.உ.சி., செங்காடு திடல் வரை ஊர்வலம் நடந்தது. அங்கு நடந்த பொதுக்கூட்டத்தில், அறக்கட்டளை தலைவர் நடராஜன் தலைமை வகித்தார்.