கோவை ஆட்டோ ஸ்போர்ட்ஸ் கிளப் சார்பில், தேசிய அளவிலான மூன்றாவது சுற்று சாம்பியன்ஷிப் கார் பந்தயம், பல்லடம் அருகே கேத்தனுாரில் நடந்தது. தமிழகம், கேரளா, கர்நாடகா, மகாராஷ்டிரா, ஆந்திரா உள்ளிட்ட பல்வேறு மாநிலங்களில் இருந்து, 200க்கும் மேற்பட்ட வீரர்கள் - வீராங்கனைகள் பங்கேற்றனர்.

ஆண்களுக்கான பிரிவில், ஆதித்ய தாகூர்- வீரேந்தர் கஷ்யப்,

ஜீத் ஜபக் -சேகர், அபின் ராய் -மொய்தீன் ஜஷீர் ஆகிய ஜோடிகள் முதல் இடத்தில் வெற்றி பெற்றனர். பெண்கள் பிரிவில் ஹர்ஷிதா ராஜ் கவுடா -பிரமோத்ராமன் ஆகியோர் வெற்றி பெற்றனர். மற்றொரு பிரிவில், அனீஸ்நாத்- அனீஸ் அமிதா, பல்ஜிந்தர் சிங் தில்லான் - கவுதம் ஆகியோர் முதல் இடத்தில் வெற்றி பெற்றனர். நான்காவது சுற்று கார் பந்தயம் அக்., 18, 20 ஆகிய தினங்களில், ஹைதராபாத்தில் நடக்க உள்ளதாக கோவை ஆட்டோ ஸ்போர்ட்ஸ் கிளப் சார்பில் தெரிவிக்கப்பட்டுள்ளது.